Апр
08
ШЧАСЦЕ
Птушцы для шчасця — вольнасці трэба,
Да шчасця краскі — яснага неба,
Дзіця шчасліва — на руках маткі,
Бяздольны рвецца — да цёплай хаткі.
Мудрага шчасце — веры шуканне,
Шчасце паэта — шчыра каханне,
Струджаным думкам — трэба спачынку,
Сэрцу збалеламу — вясны ўспамінку.
Дзя ўсіх жа людцоў, гдзе ёсць іх і колькі,
Аднаго трэба на свеце толькі —
Без чаго свет наш — блудна дарога:
Усім да шчасця патрэба Бога.
Казімір Сваяк
З кнігі «Насустрач Духу» (Мінск: «Ураджай», 2001)
Аўтарская арфаграфія захавана
Фота: pixabay.com
Comments
Comments are closed.